1-iyun kuni Olmaota—Bishkek yo‘lining 43-kilometrida Toyota Camry avtomashinasini boshqarib ketayotgan o‘zbekistonlik 33 yoshli ayol yo‘l-transport hodisasiga uchradi, deb xabar beradi “Kazinform”.
Olmaota viloyati politsiya departamentining xabar berishicha, ayol transport vositasini boshqarayotganida spirtli ichimliklar ta’sirida bo‘lgani sabab, ushbu holat Qozog‘iston Jinoyat kodeksining 345-moddasi bilan ro‘yxatga olingan.
Ta’kidlanishicha, ko‘ngilsiz hodisa oqibatida 31 yoshli erkak va 23 yoshli ayol tan jarohatlari bilan kasalxonaga yotqizilgan.
Ma’lumotlarga ko‘ra, O‘zbekiston fuqarosi bo‘lgan ayol 2017-yil 16-may kuni Qozog‘iston Ma’muriy huquqbuzarliklar to‘g‘risidagi kodeksining 517-moddasi 7-qismiga binoan Olmaota viloyati Qorasoy tumanining ixtisoslashtirilgan tumanlararo ma’muriy sudi tomonidan migratsiya qonunchiligini takroran buzishda aybdor deb topilgan.
“Uning Qozog‘iston hududida noqonuniy yurganligi sababli, ushbu holat Qorasoy tuman ichki ishlar bo‘limida Jinoyat kodeksining 392-moddasi (‘Qozog‘iston davlat chegarasini qasddan noqonuniy kesib o‘tish’) bo‘yicha jinoyat sifatida qayd etilgan. Bundan tashqari, u boshqargan mashinani opasi, Qozog‘iston fuqarosidan o‘g‘irlangan”, — deydi viloyati politsiya departamenti boshlig‘i o‘rinbosari, politsiya polkovnigi Doniyor Mendebayev.
Qayd etilishicha, endilikda ayol Qozog‘iston Jinoyat kodeksining uchta moddasi bo‘yicha javobgarlikka tortiladi.
Izoh (0)