Xitoyda so‘nggi sutkada koronavirus bilan kasallanish bo‘yicha 1 ta va kasallik belgisiz o‘tayotgan 4 ta holat qayd etildi. Bemorlarning 1 nafari sog‘aydi, vafot etish holatlari qayd etilmadi, deb xabar bermoqda “RIA Novosti” Xitoy Sog‘liqni saqlash milliy komissiyasiga tayanib.
Mamlakatda umumiy hisobda 83 021 kishi (bir kun avval 83 022 ko‘rsatilgan edi) koronavirusga chalingan. Bemorlarning 78 314 nafari (bir kun avval 78 315 ko‘rsatilgan edi) sog‘aygan, 4634 nafari vafot etgan. Kasalxonalarda 73 nafar bemor qolmoqda.
Komissiya raqamlardagi bunday o‘zgarishlarni statistik ma’lumotlar aniqlashtirilishi bilan izohlagan.
Shuningdek, sutka davomida 4 kishi infeksiyani belgisiz tashuvchi sifatida qayd etilgan. Shunday kishilarning yana 357 nafari shifokorlar nazoratida bo‘lib turibdi.
Janubiy Koreyada esa sutka davomida 46 kishi koronavirusga chalingani qayd etilib, kasallanganlarning umumiy soni 11 590 nafarga yetdi, deb xabar bermoqda “RIA Novosti” mamlakat Sog‘liqni saqlash vazirligi huzuridagi Kasalliklar nazorati va profilaktikasi markazi (KCDC) ma’lumotlariga tayanib.
So‘nggi kunlarda Janubiy Koreyada kunlik kasallanishlar soni 30-80 kishini tashkil qilmoqda. Epidemiya boshlanganidan buyon kunlik kasallanishlar soni 10-20 tagacha kamaygan. Yangi kasallanish o‘choqlarining paydo bo‘lishi kasallanishlar soni yana ortishiga sabab bo‘lmoqda.
Seulning odam gavjum bo‘lgan Itxevon hududidagi klub va barlarda kasallik yuqtirganlar soni kamida 270 nafarga yetdi. Koronavirusga chalinishning oldini olish bo‘yicha choralarga yetarlicha amal qilmagan Puchon shahridagi Coupang kompaniyasi omborxonasida esa kamida 117 kishi virusni yuqtirib olgan. Yana 45 kishi kichik diniy yig‘ilish o‘tkazish paytida virus yuqtirib olgan.
Mamlakatda so‘nggi sutkada 21 kishi koronavirusdan sog‘ayib chiqib, tuzalganlarning umumiy soni 10 467 kishiga yetdi. Kasallikdan yana bir kishi vafot etib, virus qurbonlari soni 273 kishini tashkil qilmoqda.
Izoh (0)