O‘zbekistonda 3-iyun soat 10:00 holatiga ko‘ra koronavirusga chalinganlar soni 9 kishiga ko‘payib, 3769 nafarga yetdi, deya xabar bermoqda Sog‘liqni saqlash vazirligi.
Yangi kasallanish holatlarining 7 tasi Toshkent viloyatida (6 nafari xalqaro yuk tashuvchi avtomashina haydovchisi, 1 nafari aholi orasidan aniqlangan), 2 tasi Sirdaryo viloyatida (1 nafari xalqaro yuk tashuvchi avtomashina haydovchisi, 1 nafari koronavirusga chalinganlar bilan muloqotda bo‘lib karantinga olingan fuqaro) aniqlangan.
O‘zbekistonda 3-iyun soat 10:00 holatiga ko‘ra 846 nafar bemor davolanishni davom ettirmoqda, ulardan 10 nafarining ahvoli og‘ir, 1 nafarining ahvoli esa o‘ta og‘ir deb baholanmoqda. Shu vaqtgacha 2908 nafar bemor sog‘aygan, 15 nafari esa kasallik asoratlari oqibatida vafot etgan.
Izoh (0)