Angliya Premyer Ligasi klublariga qayta start oladigan mavsum tayyorgarligini ko‘rish uchun o‘rtoqlik uchrashuvlari o‘tkazishga ruxsat berildi, deya xabar qilmoqda The Telegraph.
Biroq mazkur qaror ortidan klublar bir qator qat’iy talablarni ham qabul qilib olgan. Xususan, klublarga 90 daqiqadan ko‘p yo‘l bosiladigan uzoq masofaga borish taqiqlanadi, futbolchilar shaxsiy avtomobilida kelishlari belgilandi. O‘yinga rasmiy hakamlar qo‘yilmaydi, buning o‘rniga murabbiylar shtabi a’zolari qoidalar asosida o‘yinni boshqarib boradi. O‘yin jamoalarning stadioni yoki mashg‘ulot bazalarida o‘tkaziladi.
Bir biridan uzoq masofada joylashgan klublar uzoq masofa bosib o‘tish uchun APLning maxsus ruxsatini olishiga to‘g‘ri keladi.
Avvalroq Premyer Liga uchrashuvlari 17-iyundan davom etishi haqida ma’lumot berilgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)