NASA mutaxassislari 163348 raqamli (2002 NN4) potensial xavfli asteroid yaqinlashayotganini ma’lum qildi. Asteroidga oid ma’lumotlar kosmik agentlik bo‘linmalaridan birining saytiga joylashtirilgan.
“Shu kunlarda diametri 250 dan 570 metrgacha bo‘lgan osmon jismi sayyoraga yaqinlashadi”, — deyiladi xabarda.
Ta’kidlanishicha, asteroid Yerga to‘g‘ridan to‘g‘ri xavf tug‘dirmaydi, chunki u sayyoradan Oy orbitasigacha bo‘lgan masofadan 13 barobar uzoqlikdan uchib o‘tadi.
Shunga qaramay, u potensial xavfli hisoblanadi. Bunga asteroid trayektoriyasining Yerniki bilan kesishgani sabab qilib keltirilgan.
Mazkur asteroid 2002-yilda ochilgan. U Yer hisobi bo‘yicha, taxminan, 300 sutkada Quyosh atrofini bir marotaba aylanib chiqadi.
Eslatib o‘tamiz, 2019-yilning dekbarida ham Yerga eng xavfli koinot obyektlari ro‘yxatidan o‘rin olgan ulkan asteroid yaqinlashgan edi.
Izoh (0)