Buxoro viloyati Ekologiya va atrof-muhitni muhofaza qilish boshqarmasi Peshku tuman inspeksiyasi tomonidan o‘tkazilgan tezkor tadbirda to‘ng‘iz ovlagan fuqaro aniqlandi. Bu haqda boshqarma matbuot xizmati xabar berdi.
Ta’kidlanishicha, 31-may kuni navbatdagi tezkor tadbir davomida Peshku tumanidagi Obidxo‘ja qishlog‘ida yashovchi fuqaro S.M. qo‘shnisi boshqaruvidagi Damas avtomashinasi bilan “Qora qir cho‘l” hududidan harakatlanib kelayotgan vaqtida tuman Bioxilma-xillik inspeksiyasi inspektori tomonidan to‘xtatilgan.
Tekshiruv davomida mashinada 2 ta xaltada bo‘lgan bitta to‘ng‘iz va ov quroli borligi aniqlangan. Fuqaro S.M. ov qoidalarini buzganligi uchun unga nisbatan Ma’muriy javobgarlik to‘g‘risidagi kodeksning 90-moddasi (Ov qilish va baliq ovlash qoidalarini, shuningdek, hayvonot dunyosidan foydalanishning boshqa turlarini amalga oshirish qoidalarini buzish) bilan dalolatnoma rasmiylashtirildi.
Izoh (0)