Bugun,

  • USD 11014.01
  • RUB 191.8
  • EUR 10674.78

Sardobaliklarni tabiiy gaz bilan ta’minlash uchun gaz taqsimlash stansiyasi qurilmoqda. Bu haqda Energetika vazirligi matbuot xizmati xabar berdi.

Foto: Energetika vazirligi matbuot xizmati

Foto: Energetika vazirligi matbuot xizmati

1-may kuni Sardoba suv ombori to‘g‘onida yuzaga kelgan favqulodda hodisa tufayli sodir bo‘lgan suv toshqini havza yaqinidagi 4,5 mingga yaqin aholi xonadonlari va boshqa inshootlarga turli darajada zarar keltirgandi.

Xabarda qayd etilishicha, Prezident Shavkat Mirziyoyevning “Sardoba suv ombori to‘g‘onida yuzaga kelgan favqulodda hodisa oqibatlarini bartaraf etish bo‘yicha kechiktirib bo‘lmaydigan chora-tadbirlar to‘g‘risida”gi farmoyishi doirasida hududda shu kunlarda qayta qurish va bunyodkorlik ishlari jadal tusda davom etmoqda.

Bu jarayonga munosib hissa qo‘shish maqsadida “O‘ztransgaz” aksiyadorlik jamiyati tomonidan qurilish ishlari boshlab yuborildi. Xususan, “Uchtom” qo‘rg‘oni hududida yangi Gaz taqsimlash stansiyasi (GRS) va 14,2 kilometr magistral gaz tarmoq qurilishi rejalashtirilib, tezkor sur’atda ish boshlab yuborilgan.

Obyektga 22 ta texnika vositalari, jumladan, 1 ta ekskovator, 2 ta buldozer, 2 ta trubaukladchik, 1 ta avtokran, 4 ta payvandlash agregati, 6 ta og‘ir yuk mashinasi (samosval), 2 ta avtobus, 2 ta UAZ, 1 ta treller, 1 ta yoqilg‘i tashish mashinasi va 6 ta maxsus quvur tashish mashinasi) va 90 nafar ishchi-xodim jalb qilingan.

“Ayni damda 4 uchastkaga bo‘lingan holda yer tekislash, quvurlarni payvandlash va boshlanish nuqtasiga quvur tortib borish ishlari boshlab yuborildi. Stansiya ishga tushgach, yaqin atrofdagi uchta aholi punktini tabiiy gaz bilan ta’minlash imkoniyati yaratiladi”, — deyiladi xabarda.

Avvalroq Sardobadagi talafotdan jabr ko‘rgan 12 ta aholi punktining barchasi elektr energiyasi bilan ta’minlangani xabar berilgan edi.

Izoh
Asosiy yangiliklar
Mahalliy
Shavkat Mirziyoyev Sankt-Peterburgda MDHga a’zo davlatlar rahbarlari norasmiy uchrashuvida ishtirok etdi (foto)
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Dunyo
Putin va harbiylar o‘rtasidagi yopiq uchrashuvdan so‘ng, Rossiya davlat matbuotiga urushdagi muvaffaqiyatsizliklar haqida yozishga ruxsat berildi