Jahondagi koronavirus bilan bog‘liq vaziyat tobora yaxshilanmoqda. Aksariyat mamlakatlar sayyohlarni qabul qilishga tayyorligini bildirmoqda.
O‘zbekistonda hozircha xalqaro aviaqatnovlar tiklanmagan bo‘lsa-da, pandemiyadan keyingi ilk sayohatni hozirdan rejalashtirish mumkin.
Italiyaga 3-iyundan borish mumkin. To‘g‘ri, mamlakat hozircha faqat Yevropa Ittifoqi hamda Shengen bitimiga a’zo mamlakatlar vakillarini qabul qila oladi. Sayyohlar ikki hafta karantinga jo‘natilmaydi, balki to‘g‘ridan to‘g‘ri dam olish maskanlariga boradi.
Islandiya 15-iyundan ochiladi. Mamlakatda Shengen zonasida yashamaydigan sayyohlar ham borishi mumkin. Biroq sayyohlardan koronavirus yo‘qligini ko‘rsatuvchi test natijasi talab qilinadi yoki 14 kunlik karantinga olinadi. Bu sana 4-maydan karantin yumshatilayotgan Kiprga ham tegishli.
Iyun oxirida Ispaniya plyajlarida hordiq chiqarish mumkin. Mamlakat hukumati karantinni bekor qildi, bu esa turizm yo‘nalishini yanada jozibador qiladi.
Gretsiya sayyohlik mavsumini bosqichma-bosqich ochishni rejalashtirmoqda. 15-iyundan mavsumiy mehmonxonalar ish boshlaydi, ikki haftadan so‘ng esa xalqaro aviaqatnovlar tiklanadi. Mamlakatga kelgan sayyohlar koronavirusga test topshirishi kerak bo‘ladi.
Izoh (0)