Toshkentning Uchtepa tumani hokimligi ijtimoiy tarmoqlarda 1-iyundan “Farhod” bozori 15 kunga yopilishi haqida tarqalgan xabar haqiqatga zid ekanligini ma’lum qildi.
Tuman Sanitar-epidemiologik osoyishtalik markazi bosh shifokori A.Hasanovning ma’lum qilishicha, bozor hududida koronavirus infeksiyasiga chalinish bilan bog‘liq birorta holat qayd etilmagan.
“Bozor odatdagi tartibda ishlashda davom etadi. Fuqarolardan ma’lumotlarni rasmiy manbalardan tekshirib olishni va yolg‘on axborot tarqatmaslikni so‘raymiz”, — deyiladi hokimlik axborotida.
Avvalroq “O‘rikzor” bozoridagi sotuvchida koronavirus qayd etilgani, shundan so‘ng bozor vaqtincha yopilgani haqida xabar berilgan edi. Keyinroq uning o‘g‘li va qizida ham infeksiya aniqlandi.
Izoh (0)