O‘zbekistonda 2020-yil 30-may soat 10:00 holatiga ko‘ra, koronavirus infeksiyasi qayd etilganlar soni 25 kishiga ko‘payib, 3513 nafarni tashkil etmoqda, deya xabar bermoqda Sog‘liqni saqlash vazirligi.
Yangi kasallanish holatlarining 2 nafari Toshkent shahri, 4 nafari Samarqand viloyati, 2 nafari esa Namangan viloyatidan — jami 8 nafar aholi orasida qayd etilgan. Shuningdek, karantin markazidagi fuqarolar orasidan 13 kishida koronavirus aniqlangan bo‘lsa, 27-may kuni 2 nafar Rossiyadan, 28-may kuni 1 nafar Qozog‘iston va yana 1 nafari Sirdaryo viloyatigi “Guliston” chegara posti orqali kirib kelgan xalqaro yuk tashuvchi avtomashina haydovchilarida tasdiqlangan.
Ma’lumot uchun, shu kungacha bemorlarning 2728 nafari sog‘ayib, reabilitatsiyaga kuzatilgan, 771 nafar bemor davolanishda qolmoqda. Ulardan 7 nafari og‘ir, 1 nafari esa o‘ta og‘ir ahvolda. Mamlakatda hozirga qadar 14 kishi esa infeksiya asoratlari oqibatida vafot etgan.
Izoh (0)