O‘zbekistonda 30-may kuni 58 kishida koronavirus aniqlandi. SSV matbuot kotibi Furqat Sanayevning ma’lum qilishicha, kasallanish holatlarining 33 tasi karantin muassasalarida, to‘rttasi xalqaro yuk tashuvchi mashina haydovchilarida, 21 tasi esa aholi orasida aniqlangan.
Foto: Telegram / @ssvmatbuotkotibi
Qayd etish joiz, kun davomida aholi orasidan Toshkent shahrida 11 kishida, Samarqand viloyatida sakkiz kishida, Namangan viloyatida esa ikki kishida kasallik aniqlangan.
Ayni vaqtda, kun davomida 55 bemor sog‘ayib, reabilitatsiyaga kuzatildi. Jumladan, Toshkentda 44 kishi, Qoraqalpog‘istonda ikki kishi, Samarqand viloyatida esa to‘qqiz kishi sog‘aydi. Jami sog‘ayganlar soni 2783 nafarga yetdi.
Hozirda 749 nafar bemor davolanishni davom ettirmoqda. Sog‘liqni saqlash vazirligidan ma’lum qilishlaricha, ulardan olti nafarining ahvoli og‘ir, bir nafarining ahvoli esa o‘ta og‘ir. Eslatib o‘tamiz, hozirgacha O‘zbekistonda 14 kishi koronavirus asoratlaridan vafot etgan.
Izoh (0)