Namangandagi sanatoriylar karantin talablariga qat’iy rioya etgan holda dam oluvchilarni qabul qilishga tayyorgarlik ko‘rmoqda. Bu haqda “Daryo” muxbiri Azizbek Abduvaliyev xabar berdi.
Ilk mehmonlarni kutib olgan “Kosonsoy” sihatgohi bosh hamshirasi Mahbuba Jabborqulovaning bildirishicha, bu jarayonda asosiy e’tibor koronavirus infeksiyasiga topshirilgan tahlil natijalariga qaratiladi.
“Bunday ma’lumotnomaga ega bo‘lmagan shaxs sihatgoh hududiga qo‘yilmaydi. Dam oluvchilarning harorati har kuni kamida ikki marotaba o‘lchanadi, yashash xonalari va muolaja kabinetlari, ulardagi tibbiy anjomlar doimiy dezinfeksiya qilinadi. Oshxonada ovqatlanish ham oraliq masofani saqlagan holda amalga oshiriladi,” — deydi Mahbuba Jabborqulova.
Ma’lumot uchun, Namanganda “Kosonsoy” sihatgohidan tashqari yana “Chortoq”, “Gulshan”, “Shahand” va “Nihol” kabi bir qator mashhur sanatoriylar ham joylashgan.
Izoh (0)