Namangan viloyatida mashina olib qochgan shaxs qo‘lga olindi. Bu haqda IIV huzuridagi Tergov departamenti xabar bermoqda.
28-may kuni soat 02:30 da Mingbuloq tumani “Dovduq” MFYda muqaddam sudlangan 31 yoshli N.J. mast holatda qo‘shnisi 52 yoshli O.Sh.ga tegishli “M-412IE” rusumli mashinani yashash xonadoni oldida qarovsiz qoldirilganligidan foydalanib olib qochgan. N.J. “Moskvich”da Namangan tumani Qoratepa–Guldirov yo‘nalishidagi ichki yo‘ldan harakatlanib ketayotgan vaqtida boshqaruvni yo‘qotib, yo‘lning chap tomonidagi zovurga tushib ketgan.
Mast haydovchi hodisa joyidan yashiringan. Ko‘rilgan tezkor-qidiruv harakatlari natijasida N.J. ushlangan.
Holat yuzasidan Mingbuloq tumani IIB huzuridagi Tergov bo‘linmasi tomonidan N.J.ga nisbatan Jinoyat kodeksining 267-moddasi 1-qismi (Transport vositasini olib qochish) bilan jinoyat ishi qo‘zg‘atilgan.
Jinoyat ishi bo‘yicha N.J. gumon qilinuvchi tariqasida jalb qilinib, protsessual tartibda ushlangan. Agar N.J. aybdor deb topilsa, 5 yildan 10 yilgacha ozodlikdan mahrum etilishi mumkin.
Izoh (0)