Buxoro shahrida karantin tartibiga qaramay faoliyat olib borgan kafe egasiga nisbatan chora ko‘rildi. Bu haqda Ichki ishlar vazirligi xabar qilgan.
Xabarga ko‘ra, 28-may kuni soat 22:40 da Buxoro viloyati IIB xodimlari tomonidan o‘tkazilgan reyd tadbirlari davomida Buxoro shahrida joylashgan kafe ish yurituvchisi H.A. karantin qoidalarini qo‘pol ravishda buzib, kafeda Qashqadaryo viloyati, Kasbi tumanida yashovchi G‘.O., U.A., D.H. va M.M. larning ovqatlanishi uchun sharoit yaratib, o‘zi ham ular bilan birgalikda spirtli ichimlik ichib, ovqatlanayotganligi aniqlangan.
Kafe ish yurituvchisi va mijozlarga nisbatan Ma’muriy javobgarlik to‘g‘risidagi kodeksning 54-moddasi 2-qismi bilan ma’muriy hujjatlar rasmiylashtirilgan.
Izoh (0)