O‘zbekistonning Jahon musulmon turizmi reytingidagi o‘rnini yanada yaxshilash choralari ko‘riladi

O‘zbekistonda turizm xizmatlarini yanada diversifikatsiyalash chora-tadbirlari ko‘riladi. Ushbu tadbirlar doirasida mamlakatning Jahon musulmon turizmi reytingi (Global Muslim Travel Index, GMTI)dagi mavqeini yaxshilash choralari ko‘riladi. Ushbu maqsad 27-may kuni Prezident Shavkat Mirziyoyev uchun o‘tkazilgan taqdimot vaqtida bayon qilingan, bu haqda “O‘zbekiston 24”ning reportajidan ma’lum bo‘ldi.

Rejaga ko‘ra, O‘zbekistonda ziyorat turizmi infratuzilmasini rivojlantirishga qaratilgan milliy qonunchilik moslashtiriladi, ziyorat turizmi infratuzilmasi loyihalari uchun Islom taraqqiyot banki va boshqa institutlar mablag‘lari jalb etilishi ko‘zda tutilgan. Bundan tashqari, GMTI reytingini tuzuvchi CrescentRating agentligining MDH bo‘yicha mintaqaviy ofisi O‘zbekistonda ochilishi kutilmoqda.Singapurning CrescentRating xalqaro reyting agentligi va Mastercard tashkiloti bilan hamkorlikda ishlab chiqilgan 2019-yilgi Global Muslim Travel Index’ning umumiy reytingida 55 ball bilan 130 mamlakat orasida 22-o‘rinni egallagan edi. Taqqoslash uchun, Qozog‘iston 24-o‘rinni, Qirg‘iziston 29-o‘rinni, Tojikiston 35-o‘rinni, Turkmaniston 51-o‘rinni egallagan.