O‘zbekistonda 27-may soat 23:30 holatiga ko‘ra, koronavirus infeksiyasi qayd etilganlar soni 3369 (+14) nafarni tashkil etmoqda, deya xabar bermoqda Sog‘liqni saqlash vazirligi.
Ma’lum qilinishicha, yangi kasallanish holatlarining 7 tasi Buxoro viloyatida aholi orasida (Shofirkon tumanidagi bitta oila a’zolari) aniqlangan. Mazkur holat ushbu viloyatga koronavirus infeksiyasi qaytganini ko‘rsatmoqda.
Shuningdek, 5 tasi Toshkent shahrida aholi orasida aniqlangan. 2 tasi esa Toshkent viloyatidan (xalqaro yuk tashuvchi avtomashina haydovchisida va 1 holat aholi orasidan aniqlangan).
Ayni paytda 687 nafar bemor davolanishda. Bemorlardan biri o‘ta og‘ir ahvolda, 3 nafari esa og‘ir ahvolda deb baholanmoqda.
“Shifokorlarimiz tomonidan belgilangan standartlar bo‘yicha davo choralari ko‘rilmoqda”, — deyiladi Sog‘liqni saqlash vazirligi axborotida.
Hozirda O‘zbekiston bo‘yicha koronavirusdan 2668 nafar bemor butunlay sog‘aygan, 14 kishi esa infeksiya asoratlari oqibatida vafot etgan.
Izoh (0)