Jizzax viloyatining Paxtakor tumanidagi sug‘oriladigan ekin maydonida uchish-qo‘nish maydonchasi barpo etildi. Bu haqda Yer resurslari, geodeziya, kartografiya va davlat kadastri davlat qo‘mitasi axborot xizmati xabar bermoqda.
Xabarga ko‘ra, “Mingchinor” QFY hududidagi SilverleafeInternational LLC agroklasteri tomonidan qurilgan aerodrom 8 gektar maydonni egallagan, shundan 6 gektari sug‘oriladigan ekin yerlari. Shuningdek, qo‘mita agroklaster tomonidan 1 gektar ekin yerida o‘zboshimchalik bilan turli imoratlar qurib olinganini ham ma’lum qilgan.
Bundan tashqari ushbu agroklaster tomonidan 1, 11, 21, 25, 26 va 27-dala konturlariga jami 2000 gektar yerga rejalashtirilgan chigit ekinining 356 gektariga haligacha ekilmasdan kelayotgani ham aniqlangan.
Mazkur holat yuzasidan qo‘mita mutaxassislari tomonidan Vazirlar Mahkamasiga axborot berilgan va viloyat hokimligiga taqdimnoma kiritilgan.
Ayni vaqtda O‘zbekistonda ajratilgan yer maydonlaridan maqsadli foydalanish yuzasidan tekshiruvlar o‘tkazilmoqda. Adliy vazirligi ma’lumotiga ko‘ra, 2018—2019-yillarda 23 mingta yerni noqonunuy o‘zlashtirish holati qayd etilgan va 3900 gektar maydon egallab olingan, 6000 gektar yerga qonunga xilof ravishda turli binolar qurilgan.
Mavzuga doir:
- O‘zbekistonda pandemiya sabab foydalanilmayotgan yerlar aholiga meva-sabzavot yetishtirish uchun berilishi kutilmoqda
- “Tomorqachilikni ma’muriy jazo va qo‘rqitish yo‘li bilan rivojlantirib bo‘lmaydi” — O‘zLiDeP vakili
- O‘zbekistonda tomorqa yer uchastkalaridan samarali foydalanmaganlik uchun javobgarlik kuchaytirilishi bo‘yicha hujjat qabul qilindi
Izoh (0)