Behruz Hamzayev Innovatsion rivojlanish vazirligining “Vazirlik tashkil etilishi mening g‘oyam” degani yuzasidan bildirgan bayonotiga Facebook’dagi sahifasi orqali javob qaytardi.
“Alter Ego” dasturiga bergan intervyuimda men mazkur vazirlikning tuzilishi tashabbuskori bo‘lganim haqida gapirmaganligimni yana bir marta eslatib o‘tmoqchiman. Gapirgan gaplarimdan quyidagi iqtibosni keltirishim mumkin: “Men senga amalga oshgan g‘oyam haqida gapirishim mumkin, biroq u mening ishtirokimsiz sodir bo‘lgan. Bu haqda ilk bor ommaga ma’lum qilyapman. 2017-yil 27-noyabrda O‘zbekiston Respublikasi Innovatsion rivojlanish vazirligi ochilgan. Innovatsion rivojlanish vazirligi — hatto nomi ham xato. Ushbu vazirlikni tuzish g‘oyasini ilgari surgan va uning konsepsiyasi muallifi menman”. Ko‘rib turganingizdek, videoga izoh berishda Kirill tomonidan bir oz noaniqlik kuzatilgan. Hozir ushbu xato to‘g‘irlab qo‘yilgan.Hamzayev Innovatsion rivojlanish vazirligining bayonotidagi o‘zining u yerdagi jarayonlarda faol ishtirok etganligini isbotlovchi vazir I. Abdurahmonov tomonidan imzolangan tavsiyanoma-xat nusxasini postiga ilova qilgan.Oddiy fuqaro har qanday vazirlik ochishga qodir emasligini hamma juda yaxshi tushunsa kerak. Bunday ish faqat Prezident yoki parlament tomonidan amalga oshirilishi mumkin.
Shuningdek, bayonotda mening vazirlikni tashkil qilish bo‘yicha qaror loyihasini ishlab chiqishda ishtirok etganim haqida rasmiy ma’lumotlar yo‘qligi bildirilgan, men shunchaki u yerda boshqarma boshlig‘i sifatida ishlagan akamning yoniga borib turganim qayd etilgan.
Behruz Hamzayev
Ushbu anglashilmovchilikdan keyin ko‘plab insonlardan ijtimoiy tarmoqlar orqali meni qo‘llab-quvvatlovchi iliq so‘zlar yetib keldi va ularning hammalariga minnatdorlik bildiraman. Bu men uchun juda muhim.Eslatib o‘tamiz, 26-may kuni bloger Kirill Altmanning Behruz Hamzayevdan olgan intervyusi Youtube ijtimoiy tarmog‘iga “Vazirlikni ochish — oson, O‘zbekistonni innovatsion mamlakat qilish — qiyin” sarlavhasi bilan joylashtirilgandi.Barchadan intervyuni yaxshilab ko‘rish va ushbu vaziyatga o‘z shaxsiy nuqtayi nazaridan baho berishni so‘rab qolaman. Men taqdim etgan konsepsiya vazirlik faoliyatiga asos bo‘lganidan va ushbu tashkilotning ochilganidan juda xursandman. Buning uchun uzoqni ko‘ra biluvchi, jasoratli qarorlar qabul qiluvchi Prezident Shavkat Mirziyoyevga tashakkurimni izhor qilaman.
Innovatsion rivojlanish vazirligiga esa mamlakatimizni INNOVATSION rivojlantirish uchun barcha kuch va resurslarni safarbar etishni tilayman.
Behruz Hamzayev
Izoh (0)