AQShda futbol stadioni ulkan avtokinoteatrga aylantiriladi

Amerikadagi Hard Rock Stadium stadionini ochiq osmon ostidagi ulkan avtokinoteatrga aylantirish taklif etildi, deb xabar beradi Motor.

Koronavirus pandemiyasi sabab AQShda barcha sport tadbirlari bekor qilingan, ko‘plab stadionlar va boshqa sport obyektlari sotilmayotgan avtomobillarni saqlash uchun ijaraga berilmoqda. Biroq “Mayami Dolfins” futbol klubi o‘zining Hard Rock Stadium stadionidan foydalanishning boshqa yo‘lini topdi — jamoa uni eng katta avtomobil kinoteatriga aylantirish taklifini berdi. Bu bir tomondan maydonni ijaraga olishdagi xarajatlarni qo‘plasa, boshqa tarafdan — amerikaliklar ijtimoiy masofaga rioya qilgan holda film va kinolar ko‘rish imkonini beradi.

Hard Rock Stadium’ning Instagram’dagi sahifasida avtokinoteatr qanday ko‘rinishga bo‘lishi kerakligi tasvirlangan bir necha surat paydo bo‘lgan. Suratlarning birida avtomobil futbol maydoniga joylashtirilgan bo‘lsa, boshqasida stadion avtoturargohida turibdi.

Mart oyining oxirlarida AQShda avtokinoteatrlar koronavirus sabab yana ommalashayotgani to‘g‘risida xabar berilgandi.