Rossiya ilk bor mushukning koronavirusga chalingani qayd etildi. Mushuk yashash joyining o‘zida karantinga olingan.
Rossiyalik virusolog, tibbiyot fanlari doktori Anatoliy Altshteyn “Govorit Moskva” radiostansiyasiga bergan intervyusida pandemiya tarqalishining asosiy manbasi odamlar ekanligini bildirdi.
“Uy hayvonlari virusni odamlardan yuqtiradi. Oilda mushuk bor, u kasallandi. Bu oilada virus borligidan, kimdir kasallanganidan dalolat beradi. Mushuklar haqida gap ketganda bu oila ichidagi infeksiyadir. Mushuklar yugurmaydi, hech qayerda aylanib yurmaydi, u uy hayvoni. Kasallangan bo‘lsa, uni faqat olila a’zolaridan yuqtirgan. Mushuklardan jiddiy xavf bor deb bo‘lmaydi. Ular ikkinchi darajali tashuvchilardir. Bugungi kunda koronavirus infeksiyasi tarqalishining asosiy manbasi — bu odamlar”, — degan u.
Avvalroq Rossiyada uy hayvonlari uchun koronavirusni aniqlashda 10 mingta test ishlab chiqarilishi xabar berilgan. Bu haqda Rosselxoznadzor rahbarining o‘rinbosari Konstantin Savenkov ma’lum qilgan.
Izoh (0)