Yevropa Chempionlar Ligasi tarixidagi eng yaxshi murabbiylar aniqlandi
Squawka portali Yevropa Chempionlar Ligasi tarixidagi eng yaxshi murabbiylar reytingini e’lon qildi.
Mazkur ro‘yxatni tuzishda musobaqa nomi o‘zgargan 1992-yildan keyingi natijalar inobatga olindi.
Unga ko‘ra, “Real” bilan uch marta Chempionlar Ligasi bosh sovrinini qo‘lga kiritgan Zinedin Zidan eng yuqori o‘ringa loyiq ko‘rildi.
“Barselona” bilan 2009 va 2011-yilda g‘olib chiqqan Pep Gvardiola esa ikkinchi o‘rindan joy olgan bo‘lsa, musobaqa g‘olibligini uch bor qo‘lga kiritgan Karlo Anchelotti kuchli uchlikka yakun yasadi.
Kuchli o‘nlik bilan tanishing:
- Zinedin Zidan (“Real”, sovrinlar — 2016, 2017, 2018-yil, g‘alabalar foizi ko‘rsatkichi — 65)
- Pep Gvardiola(“Barselona”-2009, 2011, “Bavariya”, “Manchester Siti”, 61%)
- Karlo Anchelotti (“Parma”, “Yuventus”, “Milan”-2003, 2007, “Chelsi”, PSJ, “Real”-2014, “Bavariya”, “Napoli”, 55%)
- Joze Mourinyo(“Portu”-2004, “Chelsi”, “Inter”-2010, “Real”, “Manchester Yunayted”, “Tottenhem”, 57%)
- Lui van Gal (“Ayaks”-1995, “Barselona”, “Bavariya”, “Manchester Yunayted”, 60%)
- Aleks Fergyuson(“Manchester Yunayted”-1999, 2008, 54%)
- Yupp Haynkes (“Real”-1998, “Bavariya”-2013, 70%)
- Visente Del Boske (“Real”-2000, 2002, 57%)
- Rafael Benites (“Liverpul”-2005, “Inter”, “Chelsi”, “Napoli”, “Real”, 57%)
- Ottmar Hitsfeld (“Borussiya”-1997, “Bavariya”-2001, 51%).
- Chempionlar Ligasida so‘nggi 20 yillikdagi finallarning eng yaxshi o‘yinchilari aniqlandi
- Zidandan Ronaldugacha. Yevropa Chempionlar Ligasi tarixidagi eng chiroyli gollar aniqlandi (video)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh
Kirish
Asosiy yangiliklar
