Ispaniyalik erkak qumdan jonivorlarning haqiqiydek ko‘rinuvchi haykallarini yaratadi (foto)

Ispaniyada yashovchi Andoni Bastorrika plyajda qumdan aslidan deyarli farq qilmaydigan haykallar yaratadi, deb xabar beradi “Korrespondent.net”.

Qumdan yasalgan san’at asarlarini muallif 10 yildan beri yaratib kelmoqda. Bastorrikaning so‘zlariga ko‘ra, plyajga keluvchilar ba’zan uning haykallarini haqiqiy hayvon deb o‘ylaydi.

Haykaltaroshning birinchi ijod namunasi kichikroq suv parisi bo‘lgan.

“Qum meni yangilik yaratishga o‘rgatadi. Haykal yasashda millionlab qum zarralaridan foydalaniladi, ular birgalikda ajoyib san’at asariga aylanadi. Biroq inson uzoqlashganidan so‘ng ijod namunasi tabiat ixtiyorida qoladi, u esa ertami, kechmi, o‘z ishini qiladi”, — deydi haykaltarosh.