Germaniyadagi Lufthansa aviakompaniyasi aksiyadorlari orasiga 1997-yilda kompaniya kapitalini tark etgan davlat ulushi qaytadi. Davlat COVID-19 koronavirus pandemiyasi sharoitida kompaniyaga yordam ko‘rsatish uchun iqtisodiyotni barqarorlashtirish fondi hisobidan (Wirtschaftsstablisierungsfonds, WSF) 20 foiz kapital ajratadi va Lufthansa’ning qo‘shimcha chiqarilgan aksiyalari sotib olinadi, deyilgan aviakompaniya saytidagi xabarda.
Aksiyalarni sotib olish narxi bitta qimmatli qog‘oz uchun 2,56 yevro. Shu tariqa davlat aksiyalar uchun umumiy hisobda, taxminan, 300 million yevro to‘lab beradi. Yangi aksioner aviakompaniya kuzatuv kengashiga ikki nafar a’zoni tayinlash huquqiga ega bo‘ladi, ularning biri audit bo‘yicha qo‘mita tarkibiga kiradi.
Biroq WSF kelishuviga ko‘ra, davlat o‘z aksiyalari bilan aksiyadorlarning umumiy masalalar bo‘yicha yig‘ilishlarida ishtirok etmaydi. Ushbu holat sodir bo‘ladigan bo‘lsa, WSF o‘z paketini bloklangan 25 foiz va yana bitta aksiya olish huquqiga ega bo‘ladi.
GFRning Lufthansa’ga ajratadigan mablag‘ qariyb 9 milliard yevroni (kompaniya bozor kapitalizatsiyasi 4 milliard yevrodan ko‘proq) tashkil etadi. Ushbu summaning 5,7 milliardini davlat ovoz bermaydigan kapital sifatida taqdim qiladi va kompaniya WSF’ga 2020—2021-yillarda 4 foizlik mukofot mablag‘i ajratishi lozim, ushbu pullar foizi 2027-yilda bosqichma-bosqich 9,5 foizgacha o‘sadi. Kompensatsiya to‘lanmaydigan bo‘lsa, WSF’ning kompaniyadagi kapitali 5 foizga o‘sadi (2024-yildan), boshqa talablar bajarilmasa yana 5 foizga (2026-yildan) oshadi. Lufthansa mablag‘larni WSF’ga to‘liq qaytargach, fond 2023-yil 31-dekabrgacha o‘ziga tegishli paketni bozor narxida sotish majburiyatini oladi.
Lufthansa yana Germaniyadagi Kreditanstalt für Wiederaufbau davlat banki va tijorat banklaridan 3 milliard yevro kredit oladi.
Kelishuvning shartlariga Lufthansa boshqaruv va kuzatuv kengashlarini tasdiqlash, shundan keyin kompaniya aksiyadorlarining navbatdan tashqi yig‘ilishida muhokama qilinadi. Kelishuvni Yevrokomissiya tasdiqlashi lozim.
Davlatning Lufthansa aksiyalarini qo‘llab-quvvatlashi haqidagi xabarlardan keyin kompaniyaning aksiyalari bir dona aksiya uchun 7,5 foizga, ya’ni 8,64 yevroga o‘sgan.
Izoh (0)