“Napoli” hujumchisi Arkadiush Milik yozda jamoasini almashtirishi mumkin.
Corriere dello Sport xabariga ko‘ra, 26 yolshi polshalik futbolchiga “Atletiko”, “Yuventus”, “Tottenhem” va “Arsenal”dan qiziqish bor.
Neapolliklar Milik transferidan 50 million yevro ishlab olishni maqsad qilgan. Hujumchining klub bilan amaldagi kelishuvi 2021-yil yoziga qadar mo‘ljallangan va mazkur shartnomaning uzaytirilish ehtimoli juda kam.
Joriy mavsum Milik “Napoli” safida A Seriyada 16 o‘yin o‘tkazib, 9 ta golga muallif bo‘ldi. Milik 2016-yil yozida “Ayaks”dan “Napoli” safiga ko‘chib o‘tgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)