Ramazon hayiti munosabati bilan Shavkat Mirziyoyev nomiga xorijiy mamlakatlar davlat va hukumat rahbarlaridan tabrik maktublari kelmoqda. Bu haqda Prezident matbuot xizmati ma’lum qildi.
Ularda Prezidentga sog‘lik va muvaffaqiyatlar, mamlakat xalqiga tinchlik-osoyishtalik va ravnaq tilab, ezgu istaklar izhor etilgan.
Jumladan, quyidagilar o‘z tabriklarini yo‘llagan:
- Qozog‘istonning birinchi prezidenti Elboshi Nursulton Nazarboyev;
- Qozog‘iston prezidenti Qosim-Jo‘mart To‘qayev;
- Turkmaniston prezidenti Gurbanguli Berdimuhamedov;
- Tojikiston prezidenti Emomali Rahmon;
- Qirg‘iziston prezidenti So‘ronboy Jeenbekov;
- Ozarbayjon prezidenti Ilhom Aliyev;
- Turkiya prezidenti Rajab Toyyib Erdo‘g‘on;
- Afg‘oniston prezidenti Ashraf G‘ani;
- Birlashgan Arab Amirliklari prezidenti Shayx Xalifa bin Zoid al-Nahayon;
- Birlashgan Arab Amirliklari vitse-prezidenti, bosh vaziri, Dubay amirligi hokimi Shayx Muhammad bin Roshid al-Maqtum;
- Birlashgan Arab Amirliklari Qurolli kuchlari Oliy bosh qo‘mondoni o‘rinbosari, Abu-Dabi Amirligi valiahdi Shayx Muhammad bin Zoid al-Nahayon;
- Kuvayt amiri Saboh al-Ahmad al-Jobir as-Saboh;
- Ummon sultoni Haysam bin Toriq al-Said;
- Iordaniya podshohi Abdulla II;
- Yaman prezidenti Mansur Hodiy;
- Falastin prezidenti Mahmud Abbos;
- Turkiy tilli davlatlar hamkorlik kengashi bosh kotibi Bag‘dat Amreyev.
Izoh (0)