AQSh harbiy dengiz kuchlari uchuvchisiz boshqariladigan samolyotlarni yo‘q qiluvchi lazer quroli sinovdan o‘tkazilganini xabar qildi. Xabarnoma Tinch okean qo‘mondonlik flotining Twitter’dagi sahifasida e’lon qilingan.
Tashkilot Facebook’da sinovlar videosini ham ulashgan. Video kadrlarida ulkan kemadagi lazer quroli havoda uchuvchi apparatni yoqib yuborgani aks etgan.
CNN’ning qo‘mondonlik matbuot xizmatiga asoslanib xabar qilishicha, sinovlar 16-may kuni Tinch okeanida o‘tkazilgan. Ularda USS Portland desant-transport kemasi ishtirok etgan. Harbiy tashkilot qattiq xarakterli lazer qurolining tizimi sinovdan o‘tkazilganini ma’lum qilgan.
Harbiylar qurolning quvvati haqida ma’lumot bermagan, biroq CNN Xalqaro strategik tadqiqotlar institutining 2018-yildagi tadqiqotlariga asoslanib, quvvati taxminan 150 kilovatt ekani qayd etilgan. Qurol Northrop Grumman harbiy ishlab chiqarish kompaniyasi tomonidan tayyorlangan.
2017-yilda CNN AQSh harbiy dengiz kuchlarining Fors ko‘rfazida lazer quroli tizimini (LaWS) sinovdan o‘tkazgandi, qurol USS Ponce desant-transport kemasida test qilingan. O‘shanda harbiylar uchuvchisiz parvoz qiluvchi apparatni urib tushirgan va samolyot yonib, dengizga qulagandi.
Izoh (0)