Toshkent shahri Yashnobod tumanida 23-may, shanba kuni odam o‘limi bilan yakunlangan yo‘l-transport hodisasi yuz berdi. Bu haqda YHXBB xabar bermoqda.
Hodisa soat 14:00 larda Qorasuv 31-uy qarshisida yuz bergan. 1975-yilda tug‘ilgan B.Y. boshqaruvidagi Lacetti 1995-yilda tug‘ilgan S.A. boshqaruvidagi Nexia-3 hamda 1947-yilda tug‘ilgan B.M. boshqaruvidagi Matiz transport vositalari ishtirokida to‘qnashuv sodir bo‘lgan.
Oqibatda Matiz haydovchisi B.M. og‘ir tan jarohatlari olib voqea joyida vafot etgan.
Mazkur YTH yuzasidan Yashnobod tumani IIO va FMB TB tomonidan surishtiruv ishlari olib borilmoqda.
Eslatib o‘tamiz, 18-may kuni Jizzax shahrida 4 mashina ishtirokida yuz bergan YTH oqibatida haydovchilardan biri shifoxonaga yotqizilgandi.
Izoh (0)