Futbol bo‘yicha Germaniya chempionatining 27-turidan o‘rin olgan bir qator bahslar 23-may, shanba kuni bo‘lib o‘tdi.
Dortmundning “Borussiya” klubi safarda “Volfsburg” bilan bahs yuritdi. 32-daqiqada Rafael Gerreyru hisobni ochgan bo‘lsa, 78-daqiqada Ashraf Hakimi mehmonlarning ikkinchi golini urgan holda “Borussiya”ning g‘alabasini ta’minladi.
Turning markaziy o‘yinlaridan biri Myunxengladbaxda kechdi. Unda mahalliy “Borussiya” jamoasi “Bayer”ni qabul qildi. Kay Havertsning dubli va Sven Benderning goli leverkuzenliklarga g‘alaba olib keldi.
“Bayer” mazkur g‘alaba evaziga ochkolarini 53 taga yetkazib oldi va “Borussiya M”ni (52) ortda qoldirgan holda 3-o‘ringa ko‘tarildi. “Borussiya D” (57) ikkinchi o‘rinda bormoqda.
Bundesliga
27-tur bahslari
23-may, shanba
“Volfsburg” — “Borussiya D” 0:2
Gollar: 0:1 – 32 Gerreyru, 0:2 – 78 Hakimi.“Volfsburg”: Kastels, Russiyon (Klaus, 64), Mbabu, Pongrachich, Bruks, Arnold, Shteffen, Shlager, Ginchek (Brekalo, 64), Vegorst, Mehmedi (Joao Viktor, 85).
“Borussiya D”: Byurki, Hummels (Jan, 46), Akanji, Pishchek, Hakimi, Dileyni (Balerdi, 83), Gerreyru (Shmelser, 83), Azar (Reyna, 79), Daud, Brandt (Sancho, 65), Holand.
Ogohlantirishlar: Dileyni (55), Ginchek (60), Bruks (65), Azar (74), Arnold (86), Shlager (90).
Chetlatish: Klaus (82).
“Borussiya M” — “Bayer” 1:3
Gollar: 0:1 – 7 Haverts, 1:1 – 52 Tyuram, 1:2 – 58, penalti Haverts, 1:3 – 81 Bender.“Paderborn” — “Hoffenhaym” 1:1
Gollar: 0:1 – 4 Skov, 1:1 – 9 Srbeni.“Frayburg” — “Verder” 0:1
Gol: 0:1 – 19 Bitenkur.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)