Turkish Airlines aviakompaniyasi iyun oyida mahalliy va xalqaro reyslarni tiklashni rejalashtirmoqda. Bu haqda Sabah nashri xabar bermoqda.
Qayd etilishicha, mahalliy aviaqatnovlar 4-iyundan, xalqaro aviaqatnovlar esa 10-iyundan tiklanadi.
Kompaniya direktorlar kengashi rahbari Ilkar Oyjining ta’kidlashicha, yo‘lovchilarga samolyot saloniga qo‘l yuki olib kirish taqiqlanadi. Bu turdagi yuk uchun mo‘ljallangan 8 kilogramm asosiy bagaj og‘irligiga qo‘shiladi. Salonga faqat qo‘l sumkalarini olib kirishga ruxsat beriladi.
Avvalroq Turkiya Sog‘liqni saqlash vazirligi 20-maydan boshlab dunyoning 31 mamlakati, xususan, O‘zbekistondan bo‘lgan tibbiyot turistlari uchun o‘z chegaralarini ochishini ma’lum qilgandi.
Jons Hopkins ma’lumotlarida qayd etilishicha, 21-may holatiga ko‘ra, Turkiyada 152 mingdan ortiq kishi koronavirusga chalingan, 4 222 kishi kasallikdan vafot etgan.
Izoh (0)