Jahon sog‘liqni saqlash tashkiloti 20-may holatiga ko‘ra, bir sutka ichida butun dunyoda koronavirus yuqtirib olish bo‘yicha 106 mingta holat qayd etilganini va bu pandemiya boshlanganidan beri kuzatilgan antirekord ekanini bildirdi. Bu haqda Jenevada o‘tgan brifingda JSST bosh direktori Tedros Adan Gebreyesus ma’lum qilgan.
“Ortda qolgan 24 soat ichida jami 106 mingta kasallanish holati aniqlangan. Bu pandemiya boshlanganidan beri kuzatilgan eng katta raqam. Ushbu holatlarning qariyb yarmi 4 ta mamlakat hududiga to‘g‘ri keladi”, — degan u.
Gebreyesusning so‘zlariga ko‘ra, JSST COVID-19 bilan kasallanish holatlarining ko‘payishi ayrim mamlakatlarda o‘rta yoki past daromadga ega aholining og‘ir vaziyatga tushishi mumkinligidan ham xavotirda.
Mavzuga doir:
- JSST vakili Rossiyada koronavirus bilan bog’liq vaziyat barqarorlashganini ma’lum qildi
- Jahon sog‘liqni saqlash assambleyasi COVID-19 pandemiyasiga xalqaro reaksiyani o‘rganish haqidagi rezolyutsiyani qabul qildi
- JSST koronavirusdan himoyalovchi usullardan birini inson sog‘lig‘iga zararli deb atadi
- JSST koronavirus oqibatida yuzaga keladigan o‘lim darajasini yakuniy baholash shartlarini ma’lum qildi
- JSST rahbari shifokorlarni COVID-19 bilan bog‘liq bolalar sindromiga e’tibor qaratishga chaqirdi
Izoh (0)