Yengil vazn toifasida UFC amaldagi chempioni Habib Nurmagomedov koronavirusni firibgarlik deb atagan obunachisiga javob qaytardi.
Avvalroq Habib Dog‘iston xalqiga murojaat yo‘llab, koronavirus pandemiyasi hududga jiddiy xavf solayotgani sabab barchani uyda o‘tirishga chaqirgandi.
“Qishlog‘imda birdaniga 500 dan ortiq kishi pnevmoniyaga chalindi, 11 kishi vafot etdi va o‘nlab odam shifoxonada yotibdi. Bu faqat mening qishlog‘imdagi holat, qo‘shni qishloqda bir kechaning o‘zida 14 kishi o‘lim topdi, ularni ko‘mishga ulgurishmayapti. Sen kabi aqlli bo‘lmaganim uchun meni kechir”, — deya javob yozadi obunachisiga Habib.
Rasmiy ma’lumotlarga ko‘ra Dog‘istonda koronavirusga chalinganlar soni 3600 nafardan ortiq. 2300 ga yaqin kishi sog‘aygan, vafot etganlar soni 36 nafarni tashkil etmoqda.
Izoh (0)