Amerikada mashhur aktrisa Merilin Monro yashaydigan uyni unga ikki tomchi suvdek o‘xshaydigan qiz sotib oldi, deb yozadi Daily Mail.
25 yoshli Jasmin Chizvell o‘z kumiriga har tomonlama o‘xshashga harakat qiladi. U Shotlandiyada tug‘ilib o‘sgan, biroq yaqinda AQShga ko‘chib keldi. Qizning o‘zi ham aktrisa.
Jasmin bir necha yil avval retro-uslub bilan qiziqib qoldi hamda o‘tgan asrning 50-yillarida yashab ijod qilgan aktrisalar ijodi bilan yaqindan tanishdi. U Merilin Monro hayoti va ijodiga shu qadar sho‘ng‘ib ketdiki, aktrisaning obrazini to‘liq o‘zida aks ettirishga qaror qildi. Albatta, bunda Jasminning o‘zi ham kinosanoat vakili ekanligi muhim rol o‘ynadi. U bolaligidan turli ko‘rsatuvlar va shoularda chiqish qilib keladi.
Qiz o‘z kumirining uyida sevgilisi bilan yashamoqda. U ko‘ngil qo‘ygan inson ham retro-uslubga qiziqadi.
Jasmin aktrisaning muxlislari u haqda ko‘proq tasavvurga ega bo‘lishi uchun Instagram’dagi sahifasiga Monroning uyidan rasmlar joylashtiradi hamda uy bo‘ylab onlayn-ekskursiyalar tashkillashtiradi. Qizning folloverlari uning afsonaviy aktrisaga juda o‘xshashini aytadi. Ular tez-tez Jasmindan Monroning biror filmdagi obrazini aks ettirishini so‘raydi.
Jasminning aytishicha, u uydan Merilin Monroning imzosi va u o‘qigan jurnallarni topgan. Bundan tashqari, uyda 100 yillik vanna saqlanib qolgan bo‘lib, undan Monro ham foydalangan.
Izoh (0)