BMTning yangi tadqiqotiga ko‘ra, COVID-19 pandemiyasi global iqtisodiyotning to‘rt yillik o‘sishini yo‘qqa chiqarib, 8,5 trillion dollar yo‘qotadi, deb xabar bermoqda The Bell.
BMT Xalqaro valyuta jamg‘armasi (XVJ)ning 2020-yil aprel oyidagi jahon iqtisodiyoti 3 foizgacha qulashi haqidagi prognozidan so‘ng jahon YaIMning 3,2 foizga pasayishini prognoz qilmoqda, XVJ may oyida prognozning qo‘shimcha ravishda pasayishini istisno qilmagandi.
Unga ko‘ra, 2020-yilda 34,3 million kishi qashshoqlik yoqasida qoladi, ularning 56 foizi Afrika davlatlaridadir.
2030-yilga kelib esa yana 130 million kishi pandemiyaning iqtisodiy oqibatlari tufayli qashshoqlikka duch kelishi mumkin. Bu barcha mamlakatlarning qashshoqlikni kamaytirish borasidagi sa’y-harakatlariga jiddiy ta’sir ko‘rsatadi.
Pandemiya oqibatlari kam malakali va kam haq to‘lanuvchi ishlarga nomutanosib ravishda salbiy ta’sir ko‘rsatdi.
BMTning fikricha, pandemiya raqamlashtirish va avtomatlashtirishni tezlashtiradi. Bu ish o‘rinlarining qisqarishi va ishsizlik darajasining ortishiga olib kelishi mumkin. Bu esa o‘z navbatida dunyoda ijtimoiy tengsizlikning kuchayishiga olib keladi.
Shuningdek, iqtisodiy tiklanish 2021-yilda 3,4 foizni tashkil etishini prognoz qilmoqda.
Izoh (0)