Hindistonning O‘zbekistondagi favqulodda va muxtor elchisi Santosh Ja Sog‘liqni saqlash vazirligiga koronavirusga qarshi kurashda foydalanish uchun maxsus tibbiyot vositalari tarzidagi insonparvarlik yordamini taqdim qildi. Bu haqda elchixona ma’lumotiga tayanib, “Gazeta.uz” xabar qilgan.
Taqdim etilgan tibbiyot vositalari orasida O‘zbekiston tomonidan so‘ralgan gidroksixloroxin tabletkalari ham mavjud. Gidroksixloroxinning xorijga sotilishi nazoratga olingan bo‘lishiga qaramay, Hindiston hukumati ushbu dorilarni O‘zbekistonga eksport qilishga ruxsat bergan. Bundan tashqari parasetamolning eksport qilinishiga qo‘yilgan taqiq ham O‘zbekistonga nisbatan tatbiq qilinmasligi aytildi.
Shuningdek, Hindiston e-ITEC dasturi doirasida o‘zbekistonlik tibbiyot xodimlarining malakasini oshirish bo‘yicha 3 ta onlayn-kursni o‘tkazishni ham taklif qilgan.Bundan tashqari, O‘zbekistonga sog‘liqni saqlash, ta’lim, axborot texnologiyalari, qishloq xo‘jaligi mahsulotlarini qayta ishlash, ichimlik suvi ta’minoti va avtomobil yo‘llarini ta’mirlash sohalaridagi loyihalarni tezkorlik bilan amalga oshirish taklif qilindi. Ushbu loyihalarni amalga oshirish uchun ketadigan umumiy mablag‘ grantlar asosida 30 million AQSh dollari bo‘lishi mumkin.
Izoh (0)