Bugun,

  • USD 11095.31
  • RUB 173.84
  • EUR 10772.44

Deyarli yangi Tesla Model 3 elektromobilining ruli harakat vaqtida uzilib tushdi. Avtomobil egasining so‘zlariga ko‘ra, u mashinani bir oy oldin rasmiy dilerdan sotib olgan, deb xabar beradi Motor.

Foto: Twitter / Jason Tuatara

Foto: Twitter / Jason Tuatara
Tesla avtomobili egalari bunga qadar lak-kraskali qoplamadagi muammolar va kuzov detallari orasidagi tirqishlarga oid nuqsonlar haqida ma’lum qilgan, biroq rulning harakat vaqtida uzilib tushishi birinchi bor sodir bo‘lmoqda. Nuqsonli Tesla Model 3’ning britaniyalik egasini so‘zlariga ko‘ra, u o‘z elektromobilini bir oy oldin rasmiy dilerdan xarid qilgan.

Foto: Twitter / Jason Tuatara

Foto: Twitter / Jason Tuatara

Ta’kidlanishicha, muammolar hatto xarid qilish bosqichida boshlangan: erkak avtomobilni o‘tgan yilning oktabrida olishi kerak bo‘lgan, biroq yetkazib berish mart oyiga qadar cho‘zilgan. Bu vaqt orasida deyarli barcha davlatlarda karantin joriy etilgani sabab, u o‘z avtomobilini yaxshiroq haydab ko‘rishga ham ulgurmagan.

Foto: Twitter / Jason Tuatara

Foto: Twitter / Jason Tuatara

Mashina egasining qayd etishicha, u anchadan buyon Tesla’ning ishqibozi bo‘lib, shu markadagi elektromobil sotib olishni sakkiz yil oldin orzu qilgan. Natijada u yangi mashinasida 550 kilometr masofa bosishga muvaffaq bo‘lgan. Rul bilan bog‘liq muammo sodir bo‘lgan kun u 30 kilometrgina yurgan. Rul mashina deyarli to‘xtaganida uzilib tushgani sabab, mashinaga shikast yetmagan.

Tesla zudlik bilan mazkur vaziyat bo‘yicha harakat qilgan. Avtomobil servisga olib ketilgan va ertasi kuni ta’mirlangan holda qaytarilgan. Hozirda kompaniya muammoga nima sabab bo‘lganini aniqlash bilan shug‘ullanmoqda.

Avvalroq Tesla Model 3 avtopilotda ketayotib to‘qnashuvdan qochishga urinmagani haqida xabar berilgandi.

Izoh
Asosiy yangiliklar
Mahalliy
“Daryo” kundaligida 2-dekabrda sodir bo‘lgan eng muhim voqealar
Mahalliy
“Ifloslantiruvchi to‘laydi” tamoyili, “yashil sertifikatlar”, energiya ulushini kamaytirish: Mirziyoyev “yashil” iqtisodiyot taqdimoti bilan tanishdi
Dunyo
Britaniya razvedkasi Rossiya Ukrainadagi urushda quruqlikdan hujum qilolmayotgani sababini tushuntirdi