Iftorlik uchun lavashdan yana bir taom tayyorlab, oila a’zolaringizni xursand qiling. Achchiqni xush ko‘ruvchilar uchun mazkur taomni chili sousi bilan birga dasturxonga tortish tavsiya qilinadi.
- Piyoz — 1 dona
- Bulg‘or qalampiri — 1 dona
- Sarimsoq piyoz — 1 dona
- Tovuq go‘shti qiymasi
- Lavash xamiri (alternativ sifatida o‘zingiz tayyorlagan, yupqa qilib yoyilgan xamirni ishlatishingiz mumkin) — 5 dona
- O‘simlik yog‘i — 2 osh qoshiq
- Chili qalampiri
- Petrushka — ta’bga ko‘ra
- Pomidor — ta’bga ko‘ra
- Sariyog‘ — 20 gr
- Un — 35 gr
- Sut — 720 ml
- Tuz, murch — ta’bga ko‘ra
- Pishloq — 180 gr
- Birinchi bo‘lib sous tayyorlab oling. Tovada, sariyog‘ga un solib ozroq qovuring, ketidan sut solib bitta massaga keltiring, tuz murch va qirg‘ichdan chiqarilgan pishloq qo‘shib aralashtiring.
- “Nachinka” uchun ishni piyozni qovurishdan boshlang, bulg‘or qalampiri soling va qovurishda davom eting.
- Sarimsoq piyoz va tovuq qiymasini qo‘shib aralashtiring.
- Qiyma pishganiga amin bo‘lganingizdan keyin, tayyorlangan sousni uchdan ikki qismini qo‘shing.
- Tayyor “nachinka”ni xamir ustiga solib, suratdagidek qilib o‘rang.
- Maxsus idishga o‘ramlarni qo‘yib, ustidan sousning qolgan bir qismini surtib chiqing, kesilgan, pomidor ko‘kat va qalampir bilan bezang.
- 180 daraja qizigan pechda 20-25 daqiqa davomida pishiring.
Yoqimli ishtaha!
“Daryo”dagi boshqa retseptlardan ham foydalaning.
Saharlik uchun retseptlar:
Izoh (0)