Eron Harbiy-dengiz kuchlariga tegishli Jamaran fregati o‘quv mashg‘uloti davomida xatolik sabab o‘zlariga tegishli kemani o‘qqa tutdi. Bu haqda Tasnim axborot agentligi siyosat bo‘limi direktori Mahdi Bahtiari o‘zining Twitter’dagi sahifasiga yozib qoldirgan.
Ta’kidlanishicha, mazkur hodisa oqibatida o‘nlab odam jarohat olgan, kamida ikki kishiga halok bo‘lgan. Konarak kemasining o‘zi cho‘kib ketgan.
Eron harbiylari ushbu holat yuzasidan rasmiy ma’lumot bermagan.
“RIA Novosti”ning yozishicha, Jamaran 2010-yili suvga tushirilgan Moudge klassining asosiy fregati bo‘lib, Eron flotidagi eng zamonaviy fregatlardan biri hisoblanadi. U Xitoyda ishlab chiqarilgan kemalarga qarshi raketalar, torpedalar, shuningdek, bir necha qurollar bilan jihozlangan. Ekipaj a’zolari soni 140 kishini tashkil etadi.
Izoh (0)