Qirg‘izistonda koronavirusga chalinganlar soni 900 kishidan oshib ketdi. Bu haqda mamlakatning koronavirus tarqalishiga qarshi kurashish shtabiga tayanib, “RIA Novosti” xabar berdi.
“8-may holatiga ko‘ra, yana 11 kishida COVID-19 koronavirus infeksiyasi aniqlandi”, — deydi shtab vakili.
Uning so‘zlariga ko‘ra, kasallikka chalingan fuqarolarning ikki nafari tibbiyot xodimlari.
Shunday qilib, Qirg‘izistonda koronavirusga chalinganlar soni 906 kishiga yetdi, ularning 226 nafari — tibbiyot xodimlari. Jami 12 kishi COVID-19 qurboniga aylangan. Bemorlarning 650 nafari davolanishga muvaffaq bo‘lgan. Respublikada pandemiya boshlanganidan buyon koronavirusga qarshi 62 mingdan ortiq test olingan.
Eslatib o‘tamiz, 4-may kuni O‘zbekiston Prezidenti Shavkat Mirziyoyev Qirg‘iziston prezidenti So‘ronboy Jeenbekov bilan telefon orqali muloqot qilib, koronavirusga qarshi kurashdagi hamkorlik masalalarini muhokama qilgandi.
O‘zbekistonda 8-may soat 10:00 holatiga ko‘ra koronavirusga chalinganlar soni 2 314 nafarga yetdi. Mamlakatda koronavirus infeksiyasi bilan kasallanish ilk bor qayd etilgan 15-martdan buyon 1656 kishi kasallikdan sog‘aydi, 10 nafar bemor esa vafot etgan.
Izoh (0)