“Manchester Siti” klubi va Portugaliya terma jamoasi yarim himoyachisi Bernardu Silva “Yuventus” hujumchisi Krishtianu Ronaldu haqidagi fikrlari bilan o‘rtoqlashdi.
“Bir kun kelib Krishtianu faoliyatini yakunlaydi. Bu qayg‘uli kun bo‘ladi. U almashtirib bo‘lmas o‘yinchi.
Biroq Portugaliyada juda kuchli avlod shakllandi va unda yanada olg‘a yurish uchun barcha narsa bor. Ronalduga o‘rinbosar yo‘q, biroq biz oldinga qarab yurishda davom etamiz”, — deydi Silva.
Krishtianu Ronaldu Portugaliya terma jamoasi safida 169 o‘yin o‘tkazib, 99 ta golga muallif bo‘lgan. Portugaliyalik futbolchi terma jamoa safida gol urish bo‘yich jahon rekordini o‘rnatishga yaqin turibdi, u faqat eronlik Ali Daidan (109 ta gol) ortda qolmoqda.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)