Ijtimoiy tarmoqqa joylangan har bir rasmdan akkaunt egasi haqida ma’lum xulosalar chiqarish mumkin. Bu boradagi savolga “Yandeks Dzen” platformasida javob keltiriladi.
Yorqin, rang-barang suratlar
Instagram’ga so‘nggi vaqtda yorqin, rang-barang suratlar joylangan bo‘lsa, demak, surat egasi hayotidan mamnun va uning hayotida kimdir bor. Qolaversa, yorqin filtrlar o‘ziga bino qo‘yish va kirishimlilikdan ham dalolat.
To‘q rangli fotolar
Tez-tez yangi fotolar bilan bo‘lishib turish foto egasining depressiyada ekanini bildiradi. Fotolaringiz xira, to‘q ranglardan iborat bo‘lsa, unda ruhiy tushkunlikni tan olishingizga hojat yo‘q, hammasi shundoq ham oydek ravshan.
Baxtli juftlik
Lentangizda, asosan, juftingiz bilan tushgan suratlar joylangan bo‘lsa, demak, munosabatlaringizda qandaydir muammo bor va siz buni “baxt niqobi” ortiga yashirishga urinyapsiz.
Taomlar
Ovqatlar suratini joylaganlarni maqtanchoq deb bilasizmi? Aslida unday emas. Aniqlanishicha, taomlar surati bilan bo‘lishilganda ovqatdan tiyilish, o‘zini qo‘lga olish mumkin bo‘lib, to‘g‘ri ovqatlanishga rioya qilinar ekan.
Selfi
Selfi bilan bo‘lishishni sevuvchilarda o‘ziga ishonch yetishmaydi, ular layk ko‘rinishida boshqalardan tasdiq kutadi. Lekin faqat shunday ekan, degan xulosa chiqarish kerak emas, ba’zida bu kabi suratlar qiziqarli joy va voqeadan esdalik sifatida ham joylanishi mumkin.
Farzandlar davrasida
Farzandlar bilan birgalikda tushilgan suratlar o‘zini namoyon qilishdir. Psixologlarning tasdiqlashicha, bu kabi suratlar sonining ko‘pligi boshqalardan o‘zingizni ustun ekanligingizni ko‘rsatishingizni bildiradi.
Izoh (0)