Rossiyaning Moskva viloyatidagi Ramenskoye tumanida 5-mayga o‘tar kechasi elektr simlarining nosozligi sababli muhojirlar yotoqxonasi yonib ketib, olti nafar o‘zbekistonlik halok bo‘lgani xabar berilgan edi.
TIV matbuot xizmati tasdiqlashicha, Moskva viloyatining Ramenskiy tumanidagi shaxsiy turar joyda yong‘in oqibatida 6 nafar O‘zbekiston fuqarosi halok bo‘lgan. Xabarda aytilishicha, Rossiyaning vakolatli organlari tomonidan tergov ishlari olib borilmoqda. Shuningdek, holat O‘zbekistonning Moskva shahridagi elchixonasining konsullik bo‘limi nazoratiga olingan.
Eslatib o‘tamiz, 20-aprel kuni Rossiyada turli baxtsiz hodisalar oqibatida vafot etgan 17 nafar fuqaroning jasadi O‘zbekistonga olib kelingan edi.
Izoh (0)