O‘zbekiston sport kurashlari assotsiatsiyasi prezidenti, xalq orasida “Salimboy” nomi bilan mashhur bo‘lgan Salim Abduvaliyev unga mafiya va jinoyat olami vakili sifatida qarashlariga munosabat bildirdi.
“Odamlar men haqimda turli bo‘lar-bo‘lmas gaplarni aytadi. Hayotimda birovning haqini yemaganman, hech kimning bir tiyiniga ham xiyonat qilmaganman. Men to‘g‘ri yashayman va hayot tarzimdan faxrlanaman. Bu dunyoda hech kimni xafa qilmaganman.
Mafiya va qandaydir “kriminal avtoritet” kabi gaplar yuradi. Men bu so‘zlar hatto nimani anglatishini bilmayman. Agar kimningdir hurmati baland bo‘lsa, demak u hurmatli inson. Odamlar meni shunday qilib ko‘rsatib qo‘ygan, o‘zim emas. Meni maqtashsa, xursand bo‘lmayman, yomon gapirsa xafa bo‘lmayman. Men uchun o‘z qarashlarim muhim”, — deydi Salim Abduvaliyev.
Ma’lumot uchun, Salim Abduvaliyev 1997-yildan buyon O‘zbekiston sport kurashlari assotsiatsiyasi prezidenti hisoblanadi. Shuningdek, u 2000-yildan beri Milliy olimpiya qo‘mitasi vitse-prezidenti sifatida ham faoliyat olib boradi.
Mavzuga doir:
- Salim Abduvaliyev: Boshqalar xafa bo‘lmasin-u, men uchun faqat 2 ta sport turi mavjud — kurash va boshqalar
- Salim Abduvaliyev: Farg‘ona yoki Qirg‘izistonda emas, aniq Toshkentda tug‘ilganman
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)