Ba’zida ko‘ngil tansiq yeguliklar istaydi. Mazali taom yeyish uchun esa karantin tugashini kutish shart emas. Xohish bo‘lsa kifoya, uy sharoitida istalgan taomni pishirish mumkin. Saharlik uchun tez tayyorlanadigan, mazali lavash retseptini taqdim qilamiz.
Buning uchun quyidagi mahsulotlar kerak bo‘ladi:
- Lavash xamiri
- Qiyma — 700 gr
- Piyoz 2 dona
- Pishloq — 250 gr
- Pomidor 2 dona
- Tuxum 3 dona
- Mayonez — 150 gr
- Smetana — 200 gr
- Ko‘katlar
- Tuz, murch — ta’bga ko‘ra
- O‘simlik yog‘i
- Birinchi bo‘lib qiymani tayyorlab oling. Qiyma mol go‘shti bo‘lishi shart emas, tovuq filesidan ham foydalanish mumkin.
- Qiymaga tuz, murch, mayda qilib to‘g‘ralgan piyozni qo‘shing.
- Tayyor bo‘lgan aralashmani qizigan o‘simlik yog‘iga solib qovurib oling.
- Pomidorni dumaloq, ko‘katlarni mayda qilib to‘g‘rang.
- Pishloq qirg‘ichdan chiqariladi.
- Lavash xamiri ochiladi va ustiga qiyma solinadi.
- Qiyma ustidan pomidor, pishloq va ko‘katlar teriladi.
- Mayonezga smetana qo‘shib sous tayyorlanadi va ushbu sous mahsulotlarning ustidan kerakli miqdorda solinadi.
- Lavash ehtiyotkorlik bilan rulet qilib o‘raladi.
- Pech uchun mo‘ljallangan idishga solinadi.
- Boshqa bir idishga tuxum chaqib, tuz qo‘shiladi va yaxshilab aralashtirib olinadi.
- Chaqilgan tuxum lavash ustiga surtiladi, agar maxsus chuqurroq idishga solib pishirayotgan bo‘lsangiz unda aralashmani idishga quyib yuborishingiz ham mumkin.
- Lavash qizigan pechga 20-25 daqiqaga qo‘yiladi.
Mavzuga doir:
- Iftorlikka to‘yimli va tez tayyor bo‘ladigan “lo‘la kabob”
- Saharlikka odjahuri tayyorlang. Gruzincha mazali taom retsepti
- Iftorlik dasturxonini ozarbayjoncha ko‘katli cheburek bilan bezang
- Saharlik va iftorlikka o‘z qo‘lingiz bilan non pishiring: turkcha simit retsepti
- Iftorlikka tez hazm bo‘ladigan, sabzavotli “ragu” tayyorlang
- Turk oshxonasining eng mazali nonushtasi — menemen tayyorlaymiz!
Izoh (0)