“Artistning jazolanishidan jamiyat hech narsa yutmaydi, ammo fojialarga sababchi amaldorlarning jazolanmasligidan juda katta yutqazadi”

Xalq deputatlari Toshkent shahar kengashi deputati, bloger Obidjon Latipov so‘nggi kunlarning eng ko‘p muhokama qilinayotgan ikki mavzusi — Sardobadagi falokat va bu avariyadan jabr ko‘rganlarga yordam yuborish vaqtida ichki ishlar xodimlarini haqorat qilgan xalq artisti Yulduz Usmonovaga jamoatchilikning munosabati yuzasidan qisqa xulosalari bilan bo‘lishdi.

Siz nimani buyurtma qilsangiz shuni eltib berishadi

Bir artist hissiyot bilan og‘ziga kelganini gapirdi. Uni gaplaridan biror kishi na moddiy, na jismoniy zarar ko‘rdi. Lekin minglab insonlar uni jazolashni talab qilyapti.

Suv omborining to‘g‘oni qulashidan esa o‘n minglab odam boshpanasiz qoldi, insonlar hayoti havf ostida, hatto vafot etganlar bor. Ammo aybdorlarni jazolashni talab qilayotganlar barmoq bilan sanarli.

Biz o‘zimiz artistlarga o‘ralashib qolgan jamiyatmiz. Shunchalar maydalashib ketganmizki, hayotimiz bilan bog‘liq yirik narsalarni ham ko‘rolmaydigan bo‘lib qolganmiz.

Artistning jazolanishidan jamiyat deyarli hech narsa yutmaydi, ammo fojialarga sabab bo‘layotgan amaldorlarning jazolanmasligidan jamiyat juda katta yutqazadi.

Bizga nima muhimligini anglab olishimiz zarur. Zero, nimani buyurtma qilsak o‘shanga erishamiz. Qiziq paradoks.

Obidjon Latipov, xalq deputatlari Toshkent shahar kengashi deputati