Qozog‘iston Sirdaryo viloyatidagi Sardoba suv ombori to‘g‘onining yorilishi yuzasidan to‘laqonli axborot taqdim etishni so‘rab O‘zbekistonga rasmiy xat yo‘lladi. O‘zbekistondagi suv omborida yuz bergan avariya oqibatida Qozog‘iston janubidagi 10 ta aholi punkti suv ostida qolgan.
Foto: Tengrinews
Tengrinews’ning xabar berishicha, rasmiy xat Qozog‘iston Ekologiya, geologiya va tabiiy resurslar vazirligi nomidan yo‘llangan. Xalqaro kelishuvlar normlariga muvofiq, transchegaraviy daryolarda gidrotexnika inshootlarini qurish oldidan qo‘shni mamlakat loyihadan boxabar qilinishi va u bilan kelishilishi kerak.
“Ushbu suv omborining qurilishi biz (Qozog‘iston) bilan kelishilmagan. Biz bu haqda O‘zbekiston tomoniga bir necha bor bildirganmiz, biroq u haqda cheklangan, to‘liq bo‘lmagan axborot olganmiz. Bugun biz nota tayyorladik, u Tashqi ishlar vazirligi orqali yetkaziladi, unda Sirdaryo daryosi havzasidagi transchegaraviy suvlarda bunyod etilgan barcha obyektlarning to‘liq ro‘yxatini taqdim etish so‘ralgan”, — dedi Qozog‘iston ekologiya, geologiya va tabiiy resurslar vaziri o‘rinbosari Sergey Gromov.
Mavzuga doir:
- Suv toshqini sabab xavfsiz yerga ko‘chirilgan Qozog‘istonning Turkiston viloyati aholisi qanday hayot kechirmoqda? (foto)
- “O‘zbekiston biz tomonga bir tomchi suv ham oqmayotganini aytgandi”. Maqtaaral tuman hokimi Qozog‘istondagi yana bir qishloqni suv bosgani haqida
- Sardobadagi to‘g‘on yorilishi tufayli Qozog‘istonda minglab aholi evakuatsiya qilindi
