O‘zbekiston Yo‘l harakati xavfsizligi bosh boshqarmasi o‘z sayti orqali 27-apreldan 3-maygacha (dushanbadan yakshanbagacha) odam o‘limi bilan yakunlangan 7 ta yo‘l-transport hodisasi haqida ma’lumot berdi. Ushbu 7 ta hodisadan 5 tasi Surxondaryo hududida sodir bo‘ldi.
7 ta YTHda jami 8 kishi:
- 27-aprel kuni Sho‘rchi tumanida Nexia va “Kamaz” to‘qnashuvi oqibatida yengil mashinaning 27 yoshli yo‘lovchisi;
- 27-aprel kuni Toshkentda “Gazel” va Hyundai Porter to‘qnashuvi oqibatida yuk mashinasining 55 yoshli haydovchisi;
- 28-aprel kuni Sho‘rchi tumanida Nexia va “Zil” to‘qnashuvi oqibatida yengil mashinaning 29 yoshli haydovchisi;
- 29-aprel kuni Jizzaxning Paxtakor tumanida Matiz ag‘darilib ketishi oqibatida 25 yoshli haydovchi va 13 yoshli yo‘lovchi;
- 30-aprel kuni Jarqo‘rg‘on tumanida Matiz velosipedchini urib yuborishi oqibatida 55 yoshli velosipedchi;
- 1-may kuni Boysun tumanida Volvo yuk mashinasi beton to‘siqqa urilishi oqibatida 30 yoshli haydovchi;
- 3-may kuni Lacetti yosh bolalarni urib yuborishi oqibatida 8 yoshli bola vafot etdi.
Ma’lumot uchun, o‘tgan hafta davomida koronavirus tufayli O‘zbekistonda 2 kishi vafot etdi. 15-martdan buyon esa vafot etganlar soni 10 kishiga yetdi.
Izoh (0)