Sirdaryo viloyatidagi Sardoba suv omborining devori o‘pirilishi oqibatida suv ostida qolgan hududlardan chorva mollari ham qutqarilmoqda. Telegram’dagi “Insider.uz” kanali ana shu jarayonlar aks etgan suratlarni taqdim etdi.
Suratlarda Milliy gvardiya xodimlarining chorva mollarini suv bosgan hovlilardan va maydonlardan olib chiqayotganini hamda ularni xavfsiz joylarga haydab ketayotganini ko‘rish mumkin.
Mavzuga doir: Sardobadan hikoyalar
Avvalroq Favqulodda vaziyatlar vazirligi Sirdaryodagi toshqin oqibatida kamida 70 ta uy hayvoni nobud bo‘lganini ma’lum qilgan edi. Shuningdek, Sardobadagi falokatda Milliy gvardiya xodimi halok bo‘lgani, yana bir xodim bedarak yo‘qolgani ma’lum bo‘ldi.
Izoh (0)