Italiya terma jamoasi sobiq himoyachisi Marko Materatssi JCh—2006 finalida Zinedin Zidan bilan sodir bo‘lgan vaziyat haqida gapirdi.
“Zidan birinchi bo‘limda gol urdi va Marchello Lippi unga ko‘z-quloq bo‘lishimni tayinladi. Birinchi to‘qnashuvdan keyin men uzr so‘radim, u esa buni yomon qabul qildi.
Uchinchi to‘qnashuvdan so‘ng Zidanning jahli chiqdi va menga qarata shunday dedi: ‘Futbolkamni keyinroq beraman’. Men esa unga qarata ‘bundan ko‘ra opangni ma’qul ko‘raman’, dedim”, — deydi Materatssi.
Eslatib o‘tamiz, Italiya va Fransiya terma jamoalari o‘rtasidagi JCh—2006 finalida Zidan boshi bilan Materatssining ko‘kragiga zarba bergani uchun maydondan chetlatilgan edi. Natijada Italiya penaltilar seriyasida (1:1, 5:3) zafar quchib, Jahon Chempioni bo‘lgandi.
Mavzuga doir: “JCh—2006 finalidan so‘ng italiyaliklar meni tanqid qildi, aslida ular poyimni o‘pishi kerak edi” — Materatssi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)