Bugun,

  • USD 11095.31
  • RUB 173.84
  • EUR 10772.44

O‘zbekiston Ichki ishlar vazirligi Yo‘l harakati xavfsizligi bosh boshqarmasi multimedia markazining videosujetida aytilishicha, yetkazish (“dostavka”) xizmatlarini ko‘rsatadigan taksi yo‘nalishlari avtomobillariga hozircha yo‘lovchi tashishga ruxsat berilgani yo‘q.

Foto: “Daryo”

Foto: “Daryo”

Vaholanki, Ichki ishlar vazirligi oldinroq “Gazeta.uz”ga shaxsiy va xizmat yengil mashinalari harakatlanishi mumkin bo‘lgan vaqt oralig‘ida — soat 07:00 dan 10:00 gacha va 17:00 dan 20:00 gacha — taksilar ham yo‘lovchilarni tashishi mumkinligini tasdiqlagan edi.

“Gazeta.uz”ning ichki ishlar idoralaridagi manbalar orqali aniqlik kiritishicha, Maxsus komissiyaning bayonida “yo‘lovchilar bilan birga” degan jumla mavjud emas. Vaholanki, bu jumla rasmiy manbalarda — “Huquqiy axborot” kanalida ham, @koronavirusinfouz Telegram-kanalida ham e’lon qilingan. Komissiyaning protokollari ochiq manbalarda e’lon qilinmagan.

Gap taksi xizmatining faoliyat yuritishi yoki yuritmasligi haqida emas, balki fuqarolarni, hech qursa o‘zi chiqarayotgan hujjatlarni hurmat qilishda. Bir og‘iz chiqib, rasmiy bayonot berib, uzr so‘ra, “noto‘g‘ri gapiribmiz” yoki “sizlarni chalg‘itibmiz”, deb qo‘y.

Yo‘q, bular O‘zbekiston fuqarolariga xizmat qilmaydi. Ular o‘zlaridan boshqa hech kimga xizmat qilmaydi. Ular hech kimga hisobdor emas. Sal xijolat bo‘lish kerak, hamma narsaning ham chegarasi bor. Yo‘qsa, protokolni e’lon qilsin.

Chap qo‘lning ishiga o‘ng qo‘l javob bermasa, ertaga bularga ishonch qoladimi?

@davletovuz

Muallif fikri tahririyat nuqtayi nazaridan farq qilishi mumkin.

Izoh
Asosiy yangiliklar
Mahalliy
Andijonda talaba qizning shaxsiy suratlarini ijtimoiy tarmoqlarda tarqatmaslik uchun pul talab qilgan shaxs ushlandi
Dunyo
Yerga hafta oxirida ko‘p qavatli bino o‘lchamidagi asteroid yaqinlashmoqda
Mahalliy
“Katta mulozimlar ham ‘podval’larga tushib-chiqardi” — Kamoliddin Rabbimov san’atkorlar Islom Karimov davrini tanqid qilayotgani haqida