Transfermarkt portali “Manchester Yunayted”ning afsonaviy bosh murabbiyi Aleks Fergyuson qo‘l ostida eng ko‘p o‘yin o‘tkazgan futbolchilardan iborat ramziy terma jamoani tuzib chiqdi.
Shotlandiyalik mutaxassis boshqaruvida eng ko‘p uchrashuvda qatnashgan futbolchi Rayan Giggz bo‘ldi. Uelslik yarim himoyachi “Manchester Yunayted” safida 905 uchrashuvda maydonga tushgan. Jamoaning ayni damdagi bosh murabbiyi Ole-Gunnar Sulsher ham (365 o‘yin) mazkur terma jamoadan o‘rin olgan.
Ramziy terma jamoa bilan tanishing:
Darvozabon: Peter Shmeyhel (362 o‘yin);
Himoyachilar: Denis Irvin (450), Jon O’Shi (394), Rio Ferdinand (432), Gari Nevill (598);
Yarim himoyachilar: Pol Skoulz (709), Roy Kin (469), Rayan Giggz (905), Devid Bekhem (387);
Hujumchilar: Ole-Gunnar Sulsher (365), Ueyn Runi (402).
Ma’lumot uchun, Fergyuson 1986—2013-yillar mobaynida “Manchester Yunayted”ni boshqarib borgan. Uning qo‘l ostida jamoa Premyer Ligada 13 marta chempionlikni qo‘lga kiritgan. Fergyuson klub bilan umumiy miqdorda 38 ta sovringa ega chiqqan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)